الحمد للہ! عمران خان کا نظریہ پھر سرخرو ہوگیا: مسرت جمشید چیمہ

لاہور: ترجمان پنجاب حکومت اور رہنما پاکستان تحریک انصاف مسرت جمشید چیمہ نے کہا ہے کہ الحمد للہ عمران خان کا نظریہ پھر سرخرو ہوگیا، اب پی ڈی ایم کے پاس الیکشن سے بھاگلنے کا کوئی بہانہ نہیں۔سماجی رابطے کی ویب سائٹ ٹوئٹر پر اپنے پیغام میں رہنما پی ٹی آئی کا کہنا تھا کہ الحمدللہ! تحریک انصاف اور ق لیگ کے 186 ممبران نے وزیراعلیٰ پرویز الہٰی پر اعتماد کا اظہار کر کے گورنر، PDM کے منہ پر زناٹے دار تھپڑ رسید کر دیا ہے۔ترجمان پنجاب حکومت نے کہا کہ الحمدللہ عمران خان کا نظریہ پھر سرخرو ہوگیا اور انشاءاللہ آئندہ سیاست کے فیصلے بھی صرف عمران خان کے ہی چلیں گے، اب PDM کے پاس الیکشن سے بھاگنے کا کوئی بہانہ نہیں۔