امام کو بتایا تھا کہ رن ریٹ نیچے نہیں آنے دینا: بابر اعظم

لاہور: قومی کرکٹ ٹیم کے کپتان بابر اعظم نے کہا کہ امام الحق کو بتایا تھا کہ رن ریٹ نیچے نہیں آنے دینا۔بابر اعظم نے امام الحق کے ہمراہ گفتگو کرتے ہوئے بتایا کہ امام کے ساتھ پارٹنر شپ لگائی اور مثبت نتیجہ نکلا۔ انہوں نے کہا کہ اتار چڑھاؤ آتے رہتے ہیں، ہم ایک دوسرے کو بیک کرتے ہیں، جو غلطیاں کرتے ہیں اس پر قابو پانے کی کوشش کرتے ہیں۔بابر نے بتایا کہ میچ کے آخری اوورز میں خوشدل اور افتخار نے بہت عمدہ کھیلا ہے۔ بیٹر امام الحق نے کہا کہ لاہور میں کھیلنا اور سنچری کا خواب تھا جو پورا ہوا۔ امام الحق نے کہا کہ ایسی جیت ٹیم کیلئے بہت اچھی ہوتی ہے۔