جبر اور ناانصافی کے فیصلوں نے پھلتے پھولتے پاکستان کو اس نہج تک پہنچا دیا: نواز شریف

لاہور: مسلم لیگ (ن) کے رہنما طلال چودھری کی نااہلی ختم ہونے پر سابق وزیر اعظم میاں نواز شریف کا ردعمل بھی آ گیا۔
سماجی رابطے کی ویب سائٹ ٹوئٹر پر اپنے بیان میں مسلم لیگ (ن) کے قائد میاں نواز شریف نے کہا ہے کہ طلال چودھری کو توہین عدالت میں ناحق 5 سالہ نااہلی کی سزا ثابت قدمی سے کاٹنے پر مبارک باد دیتا ہوں۔
سابق وزیر اعظم میاں نواز شریف نے مزید کہا ہے کہ جھوٹے مقدمات، سزاؤں، نااہلیوں اور ہر طرح کے ظلم کو میں نے اور میرے ساتھیوں نے تو صبر و استقامت سے برداشت کر لیا مگر ناانصافی پر مبنی ان فیصلوں کی سزا پاکستان نے بھگتی۔

نواز شریف نے کہا ہے کہ 2017 کے پھلتے پھولتے پاکستان کو جبر اور ناانصافی کے فیصلوں نے 2022 تک اس نہج تک پہنچا دیا کہ غریب عوام دو وقت کی روٹی کو ترس گئی، اگر اللہ تعالیٰ نے مسلم لیگ (ن) کو دوبارہ موقع دیا تو 2017 سے بھی بہتر پاکستان بنائیں گے۔ انشااللہ

اپنا تبصرہ بھیجیں